Африка Миллатлар кубоги 1/8 финал босқичи доирасида Марокаш терма жамоаси Малави жамоаси билан учрашди. Ўйин Яунде (Камерун) шаҳридаги «Stade Omnisport Ahmadou Ahidjo» стадионида бўлиб ўтди ва Марокаш жамоасининг 2:1 ҳисобидаги ғалабаси билан якунланди.

Учрашувнинг 7-дақиқасида Малави ҳужумчиси Френк Мҳанго ҳисобни очди. Биринчи бўлимнинг қўшиб берилган вақтида Марокаш терма жамоаси ҳужумчиси Юссеф Эн-Несири ҳисобни тенглаштирди. 70-дақиқада ҳимоячи Ашраф Ҳакими Марокашни ҳисобда олдинга олиб чиқди.

Шу тариқа Марокаш терма жамоаси Африка Миллатлар кубогининг 1/4 финалига чиқди, Малави терма жамоаси эса турнирдаги ўйинини якунлади. Турнирнинг чорак финалида Марокаш терма жамоаси эртага, 26 январь куни ўз учрашувини ўтказадиган Кот-д'Ивуар - Миср жуфтлиги ғолиби билан ўйнайди.

Марокаш — Малави – 2:1

Голлар: 0:1 – 7 Манго, 1:1 – 45 Эн-Несири, 2:1 – 70 Хакими.

Марокаш – Буну, Хакими, Саисс, Агерд, Мазина, Луза (Баркок, 80), Буфаль (Мунир, 81), Амрабат, Амалла, Эн-Несири (Абухляль, 88), Эль-Кааби (Ммаэ, 53).

Малави – Тому, Сануди (Дэйви, 79), Чембези, Чазия, Чирва, Моне (Фири, 45), Мадинга (Фодья, 78), Банда, Идана (Нгаланде, 79), Манго, Муяба (Мбулу, 46).

Огоҳлантиришлар: Мадинга (33), Сануди (60), Манго (69).