«Манчестер Юнайтед» яримҳимоячиси Жесси Лингард қишки трансфер ойнасида Франция чемпионатига ўтиши мумкин. L'quipe нашри хабарига кўра, «Ницца» 29 ёшли англиялик футболчини ўз сафига қўшиб олиш борасида музокаралар олиб бормоқда. Бироқ, нашрнинг таъкидлашича бу трансфернинг амалга ошиш эҳтимоли паст. Сабаби, инглиз клуби сўраган маблағ «бургутлар» учун қулай нарх эмас.
«Манчестер Юнайтед» Лингард учун 2,5 миллион евро атрофида пул сўрамоқда, футболчининг маоши эса йилига 5 миллион евро. Лингарднинг «Манчестер Юнайтед» билан шартномаси 2022 йилнинг ёзига қадар амал қилади. Мавсум охирида у эркин агентга айланади.
Маълумот ўрнида, Лингард жорий мавсумда 14 та ўйинда майдонга тушиб, 2 та гол урди ва 1 та голли узатмани амалга оширди.
