«Manchester Yunayted» yarimhimoyachisi Jessi Lingard qishki transfer oynasida Fransiya chempionatiga o‘tishi mumkin. L'quipe nashri xabariga ko‘ra, «Nissa» 29 yoshli angliyalik futbolchini o‘z safiga qo‘shib olish borasida muzokaralar olib bormoqda. Biroq, nashrning ta’kidlashicha bu transferning amalga oshish ehtimoli past. Sababi, ingliz klubi so‘ragan mablag‘ «burgutlar» uchun qulay narx emas.
«Manchester Yunayted» Lingard uchun 2,5 million yevro atrofida pul so‘ramoqda, futbolchining maoshi esa yiliga 5 million yevro. Lingardning «Manchester Yunayted» bilan shartnomasi 2022 yilning yoziga qadar amal qiladi. Mavsum oxirida u erkin agentga aylanadi.
Ma’lumot o‘rnida, Lingard joriy mavsumda 14 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
