Россиянинг Краснодар ўлкасидаги халқаро мусобақа старт олди.

Турнирнинг илк турида Сергей Лушан бошқарувидаги 1996 йилда таваллуд топган “Бунёдкор” академияси тарбияланувчилари Донецкнинг “Шахтёр” жамоаси билан куч синашди.

«БУНЁДКОР» (Ўзбекистон) – «ШАХТЁР» (Украина) 1:1 (0:1)
Голлар: Зинченко 34 (0:1), Қодирқулов 48 (1:1)
«Бунёдкор»: Нишонбоев, Тожибоев, Рахимбердиев, Ашурматов, Комилов, Ғофуров (Солиев 41), Мавлонов, Умаров, Погосов (Намозов 70), Пантелеев, Қодирқулов
«Шахтёр»: Кудрик, Матвиенко, Янко, Геворгян, Кирюханцев, Шапочка, Коваленко, Зинченко, Зубков (Войтенко 64), Борячук, Арендарук (Штандер 57)
Огоҳлантиришлар: Пантелеев 31, Геворгян 33, Штандер 66
Ҳакамлар: Сальников, Биков, Ермаков (барчаси – Краснодар)
31 март. Краснодар. «Краснодар» ФК академияси. 100 томошабин

Қизиқарли кечган учрашув 1:1 ҳисобида якунланди. Даставвал донецкликлар ярим ҳимоячиси Александр Зинченко ўзининг аниқ зарбаси билан ҳисобни очган бўлса, иккинчи бўлим бошларида Санжар Қодирқулов яратилган имкониятдан унумли фойдаланиб, ҳисобни тенглаштиришга эришди.

Гуруҳнинг бошқа учрашувида ҳам кучлар тенг келди. Минск ва Москванинг динамочилари баҳсида ҳисоб очилмади – 0:0.

Ёш “қалдирғочлар” 2-тур доирасида Москванинг “Динамо” жамоаси билан беллашади.