Ўзбекистон футбол ассоциацияси юртимизда мураббийлик соҳасини ривожлантириш ҳамда мураббийлар малакасини ошириш мақсадида мунтазам равишда қатор чора-тадбирларни амалга ошириб келмоқда.
Шу ўринда, 24-29 январь кунлари Бухоро шахрида Бухоро вилояти футбол Ассоциациясида Осиё Футбол Конфедерациясининг “B” лицензияси бўйича мураббийлик курсларининг биринчи модули ўтказилмоқда.
Ўқув жараёни ОФК инструктори Зойир Хасанов бажармоқда. Унга Фаррух Хамраев ассистентлик қилмоқда. Кординатор вазифасини эса Комил Самиев бажармоқда. Оъқув курсида 23 нафар мураббий иштирок этмоқда. Модул назарий ва амалий машғулотларни ўз ичига олади.
ОФК "B" лицензияси ўқув курслари 3 модулдан иборат бўлиб, модуллар орасидаги танаффус 1 ойни ташкил этади. Ушбу танаффус давомида ўқув курси қатнашчилари мураббийлик топшириқларини мустақил равишда бажарадилар.