O‘zbekiston futbol assosiasiyasi yurtimizda murabbiylik sohasini rivojlantirish hamda murabbiylar malakasini oshirish maqsadida muntazam ravishda qator chora-tadbirlarni amalga oshirib kelmoqda.
Shu o‘rinda, 24-29 yanvar kunlari Buxoro shaxrida Buxoro viloyati futbol Assosiasiyasida Osiyo Futbol Konfederasiyasining “B” lisenziyasi bo‘yicha murabbiylik kurslarining birinchi moduli o‘tkazilmoqda.
O‘quv jarayoni OFK instruktori Zoyir Xasanov bajarmoqda. Unga Farrux Xamrayev assistentlik qilmoqda. Kordinator vazifasini esa Komil Samiyev bajarmoqda. O’quv kursida 23 nafar murabbiy ishtirok etmoqda. Modul nazariy va amaliy mashg‘ulotlarni o‘z ichiga oladi.
OFK "B" lisenziyasi o‘quv kurslari 3 moduldan iborat bo‘lib, modullar orasidagi tanaffus 1 oyni tashkil etadi. Ushbu tanaffus davomida o‘quv kursi qatnashchilari murabbiylik topshiriqlarini mustaqil ravishda bajaradilar.
