"Ливерпуль" "Ювентус" ҳужумчиси Пауло Дибала билан алоқага чиқди. Инглиз клуби 28 ёшли аргентиналик футболчи билан дастлабки музокараларни ўтказди, дея хабар беради журналист Танкреди Пальмери.
Эслатиб ўтамиз, Дибаланинг "Ювентус" билан шартномаси 6 ойдан кейин тугайди. Шундан сўнг, у бошқа клубга текинга ўтиши мумкин.
Турин клуби футболчига янги шартнома таклиф қилган, бироқ томонлар молиявий шартларда келиша олмаяпти.
Дибала жорий мавсумда “Ювентус” сафида барча турнирлар доирасида 23 та ўйинда майдонга тушиб, 11 та гол урди ва 4 та голга ассистентлик қилди.