Италиянинг “Рома” клуби футболчилари кийиниш хонасида бош мураббийи Жозе Моуриньони туғилган куни билан табриклади. Футболчилар биргаликда португалияликга туғилган куни тортини олиб келишди, Моуриньо шамни ўчирди, биринчи бўлакни сардор Лоренсо Пеллегринога берди ва кейин: "Ишга кириш вақти келди", деди.
Римлик янги футболчи Серхио Оливейра португалияликни ўзига хос тарзда табриклади. Футболчи ўзининг Инстаграм саҳифасида онаси билан бирга ёш Моуриньодан интервью олган болаликдаги суратини жойлаштирди.
Эслатиб ўтамиз, бугун Жозе Моуриньо 59 ёшга тўлди. Фаолияти давомида у "Бенфика", "Порту", "Челси", "Манчестер Юнайтед", "Реал" ва "Тоттенхэм" каби клубларида ишлаган.
