Мадриднинг “Атлетико” клуби ҳужумчиси Матеус Кунья Мадрид жамоасида ўйнашни жуда ёқтиришини тан олди. Бразилиялик футболчи 2021 йилнинг августида “Герта”дан жамоага келиб қўшилган эди.
“Ушбу кўйлакдаги ҳар бир дақиқа ўзгача ва мен ҳар бир сонияни қизиқ ўтказишга ҳаракат қиламан. Мен келганимдан бери футболчи сифатида ривожландим ва ўсдим. Стадиондаги муҳитни умуман тушунтириб бўлмайди. Бу футболкада ўйнаш учун ҳеч қачон истак кам бўлмайди”, - деди Кунья.
22 ёшли ҳужумчи жорий мавсумда "Атлетико Мадрид" сафида барча турнирларда 23 та ўйинда майдонга тушиб, 5 та гол урди ва 2 та голга ассистентлик қилди.
