Француз клуби бўлган "Лион" ўз футболчиси билан боғлиқ хабарларга муносабат билдирди. Клуб баёнотида шундай дейилади:

"Биз узил-кесил оммавий ахборот воситалари томонидан тарқатилаётган Бразилия терма жамоаси аъзоси бўлган Бруну Гимарайншнинг "Ньюкасл"га ўтиши билан боғлиқ хабарларни рад этамиз. Ушбу трансферлар ойнасида тез-тез шу каби тасдиқланмаган хабарлар тарқалмоқда. "Олимпик Лион" раҳбарияти мухлисларни фақатгина клуб(лар) томонидан тақдим этиладиган расмий маълумотга ишонишини сўраб қоламиз".

Чоршанба кунги хабарларни Гимарайнш "Ньюкасл"га қўшилишга яқин тургани ҳақида айтилганди.