"Тоттенхэм" футболчиси Ло Челсо жамоадан кетади. Хабарларга кўра, аргентиналикка "Севилья" қизиқиш билдирган. "Шпорлар"га эса "Севилья" ҳимоячиси Диего Карлос керак.
Шу сабаб Лондон жамоаси ушбу футболчиларни алмаштириш ниятида. 25 ёшли ярим ҳимоячи бундан икки йил аввал "Реал Бетис"дан 27,2 миллион фунтга харид қилинган эди.
Ло Челсо бу мавсум АПЛда атиги икки марта майдонга туширилган. Аввалроқ Ло Челсо ўз характери сабаб умумий жамоа машғулотларидан узиб қўйилгани ҳақида хабар қилинган эди.