"Реал" ҳужумчиси Гонсало Игуаин Испания чемпионатининг 31-турида "Осасуна" билан кечган ўйинда(5:1) гол киритиб "юзлик" довонини босиб ўтди.

Аргентиналик ҳужумчи мадрид клуби учун барча мусобақалардиги 100- ва 101-голини киритди. "Юзлик" довонига етиш учун футболчига 210 та ўйин етарли бўлди, унда бир ўйинга ўртача 0,48 та гол тўғри келяпти. Испания чемпионатида бу кўрсаткич янада яхши - бир ўйинда 0,57 гол (89 гол). Бундан ташқари Игуаин чемпионлар лигасида 7 та, Испания кубогида 4та ва Испания суперкубогида битта гол киритган.

"Мураббий менга ишонади, мен унга муносиб бўлишга ҳаракат қиламан. Ғалаба қозонганимиздан бахтлиман, мен эса "Реал" учун 101 та гол урдим. Бу ютуғимдан фахрланаман. Олдимизда яна саккизта ўйин турибди. Орадаги фарқ анча катта ва биз бемалол ҳолиблик сари қадам ташлаймиз", - дея унинг сўзларидан иқтибос келтиради "Реал" расмий сайти.