Италия чемпионти 30-тури доирасидаги 1 апрель куни ўтказилиши режалаштирилган учрашувлардан дастлабкиси якунига етди. Ўз майдонида «Новара»ни қабул қилган «Рома» йирик ҳисобда ғалаба қозонди.

Ҳисобни биринчи бўлиб меҳмонлар очишганига қарамай, Маркиньо, Освальдо, Симплисио, Кркич ҳамда Ламеланинг голлари «Рома»га йирик ҳисобдаги ғалабани туҳфа этди. «Новара»нинг жавоб голларига Караччоло ҳамда япониялик Моримото муаллифлик қилди. Учрашув 5:2 ҳисоби билан якунланди.

Турнинг дастлабки икки учрашув 31 март куни бўлиб ўтган эди: «Лацио» «Парма»га 1:3 ҳисобида имкониятни бой берган бўлса, «Милан» «Катания» билан дуранг ўйнаган эди. Турнинг қолган учрашувлари бугун бўлиб ўтади. Хусусан, «Удинезе» «Сиена» меҳмони бўлса, «Интер» ўз майдонида «Женоа»ни қабул қилади. Турнинг марказий учрашуви Тошкент вақти билан 23:45да Туринда бошланади: унда «Ювентус» ўз майдонида «Наполи»ни қабул қилади.

Италия «А» Серияси
30-тур натижалари
1 апрель, якшанба
РОМА – НОВАРА 5:2 (2:1)
Голлар: Маркиньо (25), Освальдо (35), Симплисио (55), Кркич (61), Ламела (90+1) — Караччоло (17), Моримото (78).

ЛЕЧЧЕ – ЧЕЗЕНА
КАЛЬЯРИ – АТАЛАНТА
ФИОРЕНТИНА – КЬЕВО
БОЛОНЬЯ – ПАЛЕРМО
СИЕНА – УДИНЕЗЕ
ИНТЕР – ЖЕНОА
ЮВЕНТУС – НАПОЛИ

31 март, шанба
КАТАНИЯ – МИЛАН 1:1 (0:1)
Голлар: Сполли (57) – Робиньо (34).

ПАРМА – ЛАЦИО 3:1 (2:1)
Голлар: Марига (6), Флоккари (12, 72) – Скалони (37).