Италия чемпионати 30-туридан ўрин олган учрашувларнинг 9таси якунига етиб бўлди. Турнинг ҳозирча энг сермаҳсул учрашувига «Сан-Сиро»га ташриф буюрган ишқибозлар гувоҳ бўлишди.
Еврокубок йўлланмалари учун кураш олиб бораётган «Интер» ўз майдонида «Женоа»ни қабул қилиб, голлар ва карточкалар «ёмғири» остида ўтган баҳсда 5:4 ҳисобида ғалаба қозонди. Учрашувда «Интер» ҳужумчиси Диего Милито хет-трик қайд этган бўлса, «Женоа» ҳужумчиси Альберто Жилардино дублни расмийлаштирди. 79-дақиқада «Интер» дарвозабони Жулио Сезар, 84-дақиқада эса «Женоа» футболчиси Беллуски майдондан четлатилди.
Турнинг қолган учрашувларида – «Фиорентина» ўз майдонида «Кьево»га, «Удинезе» эса сафарда «Сиена»га имкониятни бой берди; «Кальяри» «Аталанта»ни, «Палермо» эса «Болонья»ни икки тўп фарқи билан мағлубиятга учратди. «Лечче» – «Чезена» баҳсида ҳисоб очилмаган бўлса, куннинг биринчи учрашувида «Рома» «Новара» устидан 5:2 ҳисобида ғалаба қозонган.
Тур марказий учрашуви 1 апрель куни, Тошкент вақти билан 23:45да бошланади. Унда Туриннинг «Ювентус» жамоаси ўз майдонида «Наполи»ни қабул қилади.
Италия «А» Серияси
30-тур натижалари
1 апрель, якшанба
РОМА – НОВАРА 5:2 (2:1)
Голлар: Маркиньо (25), Освальдо (35), Симплисио (55), Кркич (61), Ламела (90+1) — Караччоло (17), Моримото (78).
ЛЕЧЧЕ – ЧЕЗЕНА 0:0
КАЛЬЯРИ – АТАЛАНТА 2:0 (1:0)
Голлар: Конти (11), Пинилья (55).
ФИОРЕНТИНА – КЬЕВО 1:2 (0:1)
Голлар: Ляйич (71) – Пелиссье (24), Ригони (88).
БОЛОНЬЯ – ПАЛЕРМО 1:3 (0:0)
Голлар: Соренсен (50) – Донати (69), Эрнандес (76), Морлео (87-автогол).
СИЕНА – УДИНЕЗЕ 1:0 (0:0)
Голлар: Дестро (70).
ИНТЕР – ЖЕНОА 5:4 (3:1)
Голлар: Милито (13, 27, 85-пен.), Самуэль (38), Сарате (74) – Моретти (45), Паласио (59-пен.), Жилардино (80-пен., 90-пен.).
ЮВЕНТУС – НАПОЛИ
31 март, шанба
КАТАНИЯ – МИЛАН 1:1 (0:1)
Голлар: Сполли (57) – Робиньо (34).
ПАРМА – ЛАЦИО 3:1 (2:1)
Голлар: Марига (6), Флоккари (12, 72) – Скалони (37).