Ҳимоячи Серхио Рамос ўтган мавсум охирида «Реал Мадрид»даги кўп йиллик хизматларидан сўнг клубни тарк этиб, «ПСЖ»га ўтишга қарор қилди. Яқинда Рамос ҳатто янги клубидаги илк голини ҳам урди. Футболчининг сўзларига кўра, у клубини ўзгартиришдан олдин қўлидан келган барча одамлар билан бу ҳақда гаплашишга ҳаракат қилган.
- Мен бошқа футболчилар, жумладан Месси ва Кейлор Навас билан гаплашдим. Улар мен учун укамдек бўлиб қолган. Шунингдек, Неймар билан ҳам келишув масаласини муҳокама қилдик. Якун жуда зўр бўлди ва бу нарсалар менга мослашиш анча ёрдам бўлди, - деди Рамос клуб матбуотига.
Рамос 2005 йилдан 2021 йилгача «Реал Мадрид»да ўйнаган ва узоқ вақт жамоа сардори бўлган.
