ЎзПФЛ бош директори Диёр Имомхўжаев ўзининг Telegram саҳифасида Ўзбекистон футзал терма жамоасининг ўтказаётган ўйинлари ҳақида фикр билдирди.

"Ўзбекистон футзал термаси дунёнинг исталган энг кучли термаси билан залга чиқиши оддий ҳолатга айланди. Бу албатта футзалчилар меҳнати эвазига қўлга киритилди. Улар учун ўртоқлик ўйини ёки турнир келишиш қийин эмас, футзалчиларимизни ҳамма тан олади.

Биз футболда ҳам 2026 йилгача шу даражага чиқишимиз керак. 2022 йил якунигача бу йўлда энг катта қадам ташланишига ишонамиз ва шунинг ҳаракатидамиз", - деб ёзди Имомхўжаев.