Мадриднинг «Реал» клуби таркибида кам ўйин амалиётига эга бўлаётган футболчилар жамоадан кетишни исташмаяпти.

Marca нашрининг тарқатган хабарига кўра, "қаймоқранглилар" қишда ҳимоячи Марсело ва ярим ҳимоячилар Гарет Бейл ҳамда Искони сотишга тайёр, бироқ бу футболчилар ёзда - шартномалари тугаши биланоқ клубни тарк этишни исташмоқда.

Ҳимоячи Хесус Валехо ва ҳужумчи Мариано Диаслар эса «Реал»ни тарк этишни истамаяпти, чунки улар ҳали ҳам таркибда имкониятга эга бўлишни кутишмоқда.

Ярим ҳимоячи Эден Азар эса вазиятни ўзгартира олишига ва «Реал»нинг асосий футболчиларидан бирига айланишига ишонмоқда.

Футболчилар жамоадан кетишни истамаётгани учун раҳбарият Марсело, Бэйл ва Искони ёзда эркин агент қилиб қўйиб юборишни режалаштирган, қолган уч футболчи билан эса можарога йўл қўймасдан ечим топишга ҳаракат қилади.