Madridning «Real» klubi tarkibida kam o‘yin amaliyotiga ega bo‘layotgan futbolchilar jamoadan ketishni istashmayapti.

Marca nashrining tarqatgan xabariga ko‘ra, "qaymoqranglilar" qishda himoyachi Marselo va yarim himoyachilar Garet Beyl hamda Iskoni sotishga tayyor, biroq bu futbolchilar yozda - shartnomalari tugashi bilanoq klubni tark etishni istashmoqda.

Himoyachi Xesus Valexo va hujumchi Mariano Diaslar esa «Real»ni tark etishni istamayapti, chunki ular hali ham tarkibda imkoniyatga ega bo‘lishni kutishmoqda.

Yarim himoyachi Eden Azar esa vaziyatni o‘zgartira olishiga va «Real»ning asosiy futbolchilaridan biriga aylanishiga ishonmoqda.

Futbolchilar jamoadan ketishni istamayotgani uchun rahbariyat Marselo, Beyl va Iskoni yozda erkin agent qilib qo‘yib yuborishni rejalashtirgan, qolgan uch futbolchi bilan esa mojaroga yo‘l qo‘ymasdan yechim topishga harakat qiladi.