Аввал хабар берганимиздек, терма жамоамиз аъзолари Иброҳимҳалил Йўлдошев ва Одилжон Ҳамробековда COVID-19 инфекцияси аниқланган эди. Куни кеча футболчиларимиз қайта тест топширишди. Қувонарлиси, уларнинг бу галги тест натижаси манфий чиқди. Шифокорлар кўригидан сўнг, карантиндан чиқишга ва машғулотларни давом эттиришга руҳсат берилди.
Шунингдек, делегациямизнинг қолган аъзолари ҳам навбатдаги ПЦР тестларини топширдилар. Унга кўра, футболчимиз Абубакр Ризо Турдиалиевнинг тест натижаси мусбат кўрсатди. Шуни таъкидлаш керакки, айни пайтда футболчимиз ўзини яхши ҳис этяпти ва коронавируснинг симптомлари кўзга ташланмаяпти. Шу сабабли, бир неча кундан кейин қайта тест топшириши режалаштирилган. Айни вақтда у яккаланган ҳолда карантин ўтамоқда.
