"Торино" ҳужумчиси Андреа Белотти "Ньюкасл" ва "Ал-Ҳилол"га ўтишдан бош тортди, деб хабар беради "Football Italia".
Манба берган хабарга кўра, Англия ва Саудия клублари 28 ёшли италиялик футболчига 7-8 миллион евро маош билан шартнома таклиф қилган, аммо ҳужумчи бу таклифларга рози бўлмаган. Маълум қилинишича, жорий клуби билан шартномаси мавсум охирида якунига етадиган футболчи фаолиятини “Милан”да давом эттирмоқчи ва бу жамоадан таклиф кутмоқда.
2021/22 йилги мавсумда Белотти "Торино" таркибида 10 та ўйинда майдонга тушиб, 2 та гол ва 1 та голли узатмани амалга оширган. Transfermarkt.com портали футболчининг нархини 28 миллион еврога баҳоламоқда.
