"Барселона" ва "Реал" клублар эгалик шаклини ўзгартириш имкониятларини ўрганмоқда, деб хабар беради АБC.
Манбага кўра, "Барселона" ва "Реал" "Манчестер Сити" ва "ПСЖ" билан рақобатлаша олиши учун клублардаги 49 фоиз улушини йирик компаниялар ёки сармоя фондларига сотади.
Дастлаб бу ғоя Каталония клубининг молиявий муаммоларини шу йўл билан ҳал қилмоқчи бўлган "Барселона" раҳбари Ферран Ревертерга тегишли эди.
"Реал Мадрид" президенти Флорентино Переснинг фикрича, Мадрид клуби учун узоқ муддатда бошқа вариантлар йўқ.
"Барселона" ва "Реал Мадрид" бу режани амалга оширишнинг энг яхши йўли, клубларнинг рус ёки араб олигархларини сотиб олишига йўл қўймаслик учун акцияларни очиқ сотиш, деб ҳисоблайди.
