Испанияда журналистлар Эрлинг Холанднинг келажаги билан боғлиқ масала қишда ҳал этилмаслигини ёзишмоқда. Аввалроқ “Боруссия” буни талаб қилган ва “Реал” футболчининг жамоасига дастлабки келишувни таклиф қилганди.

Мино Райола соғлиғининг сирли равишда ёмонлашиши туфайли вазият кескин ўзгарди. Агент саратон касалхонасида операция қилинган. Райоланинг яқинларига кўра, Холанд вакили уйда ва унинг ҳаётига ҳеч нарса таҳдид солмайди. Немис матбуоти Райоланинг оғир аҳволда эканлиги ва реанимация бўлимида ётганини ёзган.

Ҳар ҳолда, барча музокаралар тўхтатилади. Ҳозирча норвегиялик футболчи кейинги мавсумни Дортмундда ўтказиш варианти мавжуд.