«Манчестер Юнайтед» ҳимоячиси Фил Жонс Франциянинг «Бордо» клубига ўтишга яқин ва француз клуби келишувга эришган. Бу ҳақда журналист Николо Скира твиттердаги саҳифаси орқали хабар берди.
Аввалроқ манкунианликлар бош мураббийи Ральф Рангник англиялик футболчининг кетишига розилик бермагани ҳақида хабарлар тарқалганди. Аммо, инсайдер маълумотларига кўра, шартнома тез орада амалга ошиши кутилмоқда.
Ҳимоячи 2011 йилдан буён «Манчестер Юнайтед»да тўп суради. Футболчининг клуб билан шартномаси 2023 йилнинг июнига қадар мўлжалланган. Трансфермаркт маълумотларига кўра, футболчининг нархи 4 миллион евро баҳоланмоқда.
