"Ювентус" ҳужумчиси Деян Кулусевски фаолиятини "Тоттенхэм"да давом эттиради, деб хабар беради "Sky Sports Italia".
Манбага кўра, Лондон клуби 21 ёшли швециялик футболчини "шпорлар" Чемпионлар лигасига чиқса ва бошқа шартлар бажарилса, 35 миллион еврога сотиб олиш мажбурияти билан 5 миллион еврога ижарага беришга рози бўлган.
Маълумот учун, Кулусевски "Ювентус"да 2020 йилдан бери ўйнаб келмоқда. Унинг клуб билан амалдаги шартномаси 2025 йилгача мўлжалланган. Жорий мавсумда швед футболчи барча турнирларда 27 та ўйинда майдонга тушиб, 2 та гол урди ва 3 та голли узатмани амалга оширди.
