Африка Миллатлар кубогининг нимчорак финал ўйинларидан бирида юз берган кўнгилсиз ҳолат ҳақида хабар берган эдик. Унда Камерун пойтахтидаги стадионда тиқилинч юзага келиб, саккиз инсон ҳалок бўлган эди.
Ушбу воқеа юзасидан кеча Камерун ҳукумати изоҳ берди. Баёнотда ушбу фожиага чипталарсиз одамларни стадионга ноқонуний тарзда кириб келиши сабаб қилиб кўрсатилган.
Коронавирус чекловлари сабаб ўша ўйин учун (Камерун - Комор ороллари) 48 минг мухлисга рухсат этилган бўлса, аслида 60 мингдан зиёд одам стадионга киришга ҳаракат қилган. Уларнинг кўпчилигида чипта бўлмаган.
