Журналист Жанлука Ди Марцио хабарига кўра, "Фиорентина" "Пеньярол" ҳужумчиси Агустин Альваресга қизиқиш билдирмоқда.
Манбанинг хабарига кўра, Италия клуби ва "Пеньярол" 20 ёшли уругвайлик футболчининг трансфери борасидаги музокаралар илғор босқичда.
Қайд этилишича, клублар ҳужумчининг нархини келиша олмаяпти. "Фиорентина" Альварес учун 13 миллион евро таклиф қилмоқда, Уругвай клуби эса 15 миллион евро талаб қилмоқда.
Шу билан бирга, италияликлар футболчи билан 5 йиллик шартнома борасида келишиб олишган.
Маълумот учун, Альварес "Пеньярол" сафида 70та ўйинда майдонга тушиб, 33та гол ва 9та голга ассистентлик қилган.
