«Локомотив-БФК» ўрнига «Атласчи» 1-лигада иштирок этади 1-лигада иштирок этиши керак бўлган «Имкон-Олтиариқ» клуби ўрнига «Қўқон-1912» мусобақага қўшилгани ҳақида хабар бериб ўтгандик. Энди 1-лигада иккинчи ўзгариш юз берди.

«Локомотив-БФК» билан боғлиқ бўлган молиявий сабаблар туфайли Тошкент клуби биринчи лигада иштирок этмайдиган бўлди. Унинг ўрнига Марғилоннинг «Атласчи» клуби 1-лиганинг шарқий зонасида мусобақага қўшилади. Тақвимга кўра «Локомотив-БФК» 3 апрель куни ўз майдонида «Бунёдкор-2»ни қабул қилиши керак эди. Марғилон клуби мусобақага кеч қўшилгани сабаб 1-лигадаги ўйинларини 2-турдан бошлайди. «Бунёдкор-2»га қарши ўйин эса заҳира кунларининг бирида бўлиб ўтади. Демак «Атласчи» мавсумдаги илк ўйинни ўз майдонида 6 апрель куни «Гулистон»га қарши ўтказади.