Футбол агенти Владимир Абрамов афсонавий Олег Блохиннинг Австрияни "Ворвертс" клубига ўтиши олдидан қўйган ноодатий талаби ҳақида гапирди. 1975 йилги «Олтин тўп» соҳиби 1988 йилдан 1989 йилгача "Ворвертс" сафида ўйнаган.

“Олег сотиладиган футболчилар рўйхатида умуман йўқ эди. Динамо (Киев)нинг ўзи бизга Блохинни сотишга ёрдам бера олишимизни сўради. Ўша пайтда австрияликлар марказий ҳужумчи излашаётганди. Уларга Блохинни таклиф қилдик, лекин улар Олегни зўрлигини, лекин 36 ёшли футболчида қандай тезлик бўлиши мумкинлиги ҳақида сўрашди.

Биз уларга футболчини амалда кўришга ишонтирдик ва 2 ойлик шартнома имзоладик. Блохин ажойиб ўйнади - натижада австрияликлар тўлиқ трансфер учун тўғридан-тўғри клубга тўлашга рози бўлишди. "Динамо" 120 минг доллар олди, бу Совет Иттифоқидаги биринчи ҳужжатлаштирилган трансфер бўлганди.

Блохин ҳақиқатан ҳам хотини ва болаларига совға қилишни хоҳлади, у қимматбаҳо мебелларни орзу қиларди. Шунинг учун, трансфер амалга ошираётган пайтда маҳаллий заводда ишлаб чиқариладиган яхши мебелдан олиб, уни Киевга юборишларини сўради. Австрияликлар эса унинг таклифига рози бўлишганди" - дейди Абрамов.