«Ливерпуль» ҳимоячиси Натаниэль Филлипс мавсум охиригача ижара асосида «Борнмут»га ўтишга яқин турибди. Бу ҳақда италиялик журналист Фабрицио Романо твиттердаги саҳифасида маълум қилди.
Филлипс ўтган мавсумда Виржил ван Дейк, Жоэль Матип ва Жо Гомеснинг жароҳати туфайли «Ливерпуль»да ўйнади. Умуман олганда, 24 ёшли ҳимоячи мерсисайдликлар сафида Премьер-лигада 17 та ўйин ўтказган. Футболчи ушбу баҳсларда битта гол уришга эришди.
Эслатиб ўтамиз, аввалроқ Филипс Германиянинг «Штутгарт» жамоасида ҳам тўп сурган. Жорий мавсумда футболчи Англия Премьер-лигасида «Ливерпуль» сафида бирорта ҳам ўйинда майдонга тушмади.
