«Барселона» вингери Усмон Дембеле «Арсенал»га ўтишдан бош тортди, дея хабар беради инсайдер Фабрицио Романо.
Франциялик футболчи «Арсенал» ҳужумчиси Пьер-Эмерик Обамеянгни Каталония клубига ўтказиш бўйича келишувга киришиши мумкин эди. Аммо Дембеле Лондон жамоасига ўтишдан манфаатдор эмас.
Обамеянг ҳозирда Барселонада истиқомат қилади. Клуб унинг трансферини амалга ошириш учун ечим топишга ҳаракат қилмоқда. Бунинг учун габонлик футболчи маошини сезиларли даражада камайтириши керак.
Эслатиб ўтамиз, Дембеле «Барселона» билан ёзда тугайдиган шартномани узайтиришдан бош тортган эди. Каталонияликлар бош мураббийи Хави ё Дембеле билан шартномани узайтиришини, ёки жамоадан кетиши кераклигини айтди.
24 ёшли футболчи жорий мавсумда Ла Лигада 6 та ўйинда майдонга тушди ва 2 та голли узатмани амалга оширди. Трансфермаркт футболчини 30 миллион еврога баҳоламоқда.
