"Ювентус" футболчиси Аарон Ремзи мавсум сўнгига қадар Шотландиянинг "Рейнжерс" клубида ҳаракат қиладиган бўлди. Бу ҳақида клуб расмий сайти хабар тарқатди. Ижара шартномасини имозлаган футболчи ўз фикрлари билан ўртоқлашди:
"Мен "Рейнжерс" каби жамоага қўшилганимдан жуда ҳам хурсандман. Бу ерда ўйнашни интизорлик билан кутаман. Менда бир қанча таклифлар бор эди. Аммо уларнинг ҳеч бири ушбу клубники каби мени ўзига торта олмади. Европа футболида қолиш ва ҳар ҳафта 50 минг мухлис қаршисида ҳаракатланиш мени жуда ҳам қувонтиради".
Эслатиб ўтамиз, Ремзи 11 йил "Арсенал" сафида ҳаракат қилган ва 371та баҳсда майдонга тушган.
