ЖЧ-2022 саралаши доирасида “Б” гуруҳи 8-тур учрашувлари бўлиб ўтди. Унда Австралия ва Уммон терма жамоалари ўзаро тўқнаш келди. Қарама-қаршилик 2:2 ҳисобида якунланди.
15-дақиқада пенальтидан биринчи голни Жейми Макларен киритди. 54-дақиқада Абдулла Фаваз ўйинда ҳисобни тенглаштирди. 79- дақиқада Аарон Муи Австралия жамоасини олдинга олиб чиқди. Асосий вақт тугашига бир дақиқа қолганида Абдулла Фаваз ҳисобни тенглаштирди.
Аввалроқ Жанубий Корея Сурияни мағлуб этганди. Ушбу ғалаба эвазига Пауло Бенту шогирдлари гуруҳда иккинчи ўринни эгаллашди. Жанубий кореяликлар 2022 йилда Қатарда бўлиб ўтадиган жаҳон чемпионатига йўлланмани қўлга киритишди. Шу тариқа, жамоа кетма-кет 10-жаҳон чемпионатида иштирок этади. Шунингдек, Эрон терма жамоаси ҳам мусобақага йўлланма олганди.
