«Манчестер Юнайтед» дарвозабони Дин Хендерсон қишки трансферлар вақтида клубни тарк этиши мумкин эди, деб хабар бермоқда Daily Mail.
Манбага кўра, қишки трансфер ойнасининг сўнгги куни 31 январь куни «Уотфорд» 24 ёшли дарвозабонни ижарага олмоқчи бўлган. Бироқ «қизил иблислар» бош мураббийи Ральф Рангник футболчининг кетишига тўсқинлик қилди. Сабаби, «Манчестер Юнайтед» Хендерсонга ўринбосар топишга улгурмаган эди.
Дарвозабон «Манчестер Юнайтед» тарбияланувчиси ҳисобланади. Футболчининг клуб билан шартномаси 2025 йилнинг июнига қадар мўлжалланган. Трансфермаркт маълумотларига кўра, футболчининг бозор нархи 18 миллион еврони ташкил қилади.
Хендерсон жорий мавсумда барча мусобақаларда иккита ўйинда майдонга тушди ва иккита гол ўтказиб юборди.
