Футбол бўйича 2022 йилги жаҳон чемпионати саралаш босқичининг 16-тури доирасидаги учрашувда Боливия терма жамоаси ўз майдонида Чилини қабул қилди. Ла-Пасдаги (Боливия) «Эрнандо Силес» стадионида бўлиб ўтган учрашув меҳмонларнинг 3:2 ҳисобидаги ғалабаси билан якунланди.

Меҳмонлар сафида Алексис Санчес дублга эришди, Марселино Нуньес ҳам ўз ҳисобидан бир гол ёзиб қўйишга эришди. Боливия терма жамоаси сафида Марк Энумба ва Марсело Морено гол уришди.

Шу тариқа, Чили терма жамоаси икки мағлубиятдан сўнг илк ғалабани қўлга киритди ва 19 очко билан турнир жадвалида бешинчи ўринга кўтарилиб олди.

Боливия терма жамоаси эса ўз навбатида кетма-кет иккинчи мағлубиятни қабул қилиб олди. Жамоа 15 очко билан турнир жадвалида саккизинчи ўринда қолди.

Боливия - Чили - 2:3

Голлар: 0:1 – 14 Санчес, 1:1 – 37 Энумба, 1:2 – 77 Нуньес, 1:3 – 85 Санчес, 2:3 – 88 Морено.

Боливия – Лампе, Сагредо (Фернандес, 80), Энумба, Джузино, Сааведра (Бехарано, 61), Сауседо, Вильярроэль (Вака, 61), Морено, Арсе, Миранда (Вака, 61), Рамальо (Абрего, 77).

Чили – Кортес, Исла, Медель (Уэрта, 87), Диас, Кушчевич, Суасо, Арангис (Парра, 70), Пульгар (Баэса, 70), Нуньес (Гальдамес, 87), Санчес, Бреретон (Монтесинос, 76).

Огоҳлантиришлар: Кушчевич (30), Миранда (36), Морено (90), Кортес (90).