Futbol bo‘yicha 2022 yilgi jahon chempionati saralash bosqichining 16-turi doirasidagi uchrashuvda Boliviya terma jamoasi o‘z maydonida Chilini qabul qildi. La-Pasdagi (Boliviya) «Ernando Siles» stadionida bo‘lib o‘tgan uchrashuv mehmonlarning 3:2 hisobidagi g‘alabasi bilan yakunlandi.
Mehmonlar safida Aleksis Sanches dublga erishdi, Marselino Nunyes ham o‘z hisobidan bir gol yozib qo‘yishga erishdi. Boliviya terma jamoasi safida Mark Enumba va Marselo Moreno gol urishdi.
Shu tariqa, Chili terma jamoasi ikki mag‘lubiyatdan so‘ng ilk g‘alabani qo‘lga kiritdi va 19 ochko bilan turnir jadvalida beshinchi o‘ringa ko‘tarilib oldi.
Boliviya terma jamoasi esa o‘z navbatida ketma-ket ikkinchi mag‘lubiyatni qabul qilib oldi. Jamoa 15 ochko bilan turnir jadvalida sakkizinchi o‘rinda qoldi.
Boliviya - Chili - 2:3
Gollar: 0:1 – 14 Sanches, 1:1 – 37 Enumba, 1:2 – 77 Nunyes, 1:3 – 85 Sanches, 2:3 – 88 Moreno.
Boliviya – Lampe, Sagredo (Fernandes, 80), Enumba, Djuzino, Saavedra (Bexarano, 61), Sausedo, Vilyarroel (Vaka, 61), Moreno, Arse, Miranda (Vaka, 61), Ramalyo (Abrego, 77).
Chili – Kortes, Isla, Medel (Uerta, 87), Dias, Kushchevich, Suaso, Arangis (Parra, 70), Pulgar (Baesa, 70), Nunyes (Galdames, 87), Sanches, Brereton (Montesinos, 76).
Ogohlantirishlar: Kushchevich (30), Miranda (36), Moreno (90), Kortes (90).
