«Барселона» Усмон Дембеледан қутула олмади ва энди француз футболчиси мавсум охиригача Каталонияда қолиши аниқ. Бу борада «кўк-анорранглилар» бош мураббийи Хави энди қийин аҳволда қолди, деб хабар беради Diario Sport. У Дембелени «Барса» билан шартномани узайтирмаса, захирада ўтиришини айтиб қўрқитганди. Дарҳақиқат, Дембеле жорий мавсумда клуб сафида саноқли ўйинлардагина майдонга тушди.
Аммо, ҳозирги қийин пайтда буни амалга ошириш қийин, дейди манба. «Барселона» Чемпионлар Лигаси ва Испания Кубогидан чиқиб кетганига қарамай, ҳали ҳам Ла Лига, ғамда Европа Лигасида курашолиб бормоқда. Улар қийин ўтаётган мавсумни ажойи тугатиши учун мазкур мусобақаларда юқори ўринларни эгаллаши талаб этилади.
Ла Лигада чемпионлик пойгасидан деярли чиқиб кетганини ҳисобга олсак, «Барса» учун Европа Лигаси бу мавсумда соврин ютиш учун ягона имконият бўлиб қолмоқда ва ҳеч бўлмаганда ушбу турнир учун жамоа тўлиқ куч билан курашиш керак, дейди Diario Sport нашри.
