«Арсенал» клуби собиқ футболчиси Эммануэль Пети "канонирлар" форварди Пьер-Эмерик Обамяенгнинг жамоадан кетганига ўз муносабатини билдирди.

«Обамеянгга нисбатан ҳурматсизлик қилишни истамайман, чунки мен уни буюк футболчи деб ҳисоблайман. Аммо сўнгги бир неча ойдан буён у ўзига ўхшамасди. Унинг миясида қандайдир ўзгариш юз берди. Бу клуб, мураббий ёки шахсий ҳаёти билан боғлиқми, билмайман. Бироқ у икки йил аввалги Обамеянг эмасди.

Артета уни қўйиб юбориб, тўғри иш қилди. Жамоа сардорини дастлаб майдон ташқарида қолдириб, сўнгра уни трансферга қўйиш — жамоа учун жиддий огоҳлантириш. Обамеянгни ҳам тушуниш мумкин. У ҳар ҳафта ўзининг юқори савиясини намойиш этиши керак. У катта маош эвазига янги шартнома имзолагани, эҳтимол, бу муаммо билан боғлиқ эмасдир, аммо бу ҳолат шунга мос келяпти.

У янги шартнома имзолаганидан сўнг аввалги ўйинчи бўлмай қолди. «Арсенал»да бўладими ёки бошқа жойдами, у ўзининг аввалги савиясига қайтиши керак. Пул — жуда муҳим, аммо у ўзининг спортча характерига қайтиши шарт», – деди Пети.