«Arsenal» klubi sobiq futbolchisi Emmanuel Peti "kanonirlar" forvardi Pyer-Emerik Obamyayengning jamoadan ketganiga o‘z munosabatini bildirdi.

«Obameyangga nisbatan hurmatsizlik qilishni istamayman, chunki men uni buyuk futbolchi deb hisoblayman. Ammo so‘nggi bir necha oydan buyon u o‘ziga o‘xshamasdi. Uning miyasida qandaydir o‘zgarish yuz berdi. Bu klub, murabbiy yoki shaxsiy hayoti bilan bog‘liqmi, bilmayman. Biroq u ikki yil avvalgi Obameyang emasdi.

Arteta uni qo‘yib yuborib, to‘g‘ri ish qildi. Jamoa sardorini dastlab maydon tashqarida qoldirib, so‘ngra uni transferga qo‘yish — jamoa uchun jiddiy ogohlantirish. Obameyangni ham tushunish mumkin. U har hafta o‘zining yuqori saviyasini namoyish etishi kerak. U katta maosh evaziga yangi shartnoma imzolagani, ehtimol, bu muammo bilan bog‘liq emasdir, ammo bu holat shunga mos kelyapti.

U yangi shartnoma imzolaganidan so‘ng avvalgi o‘yinchi bo‘lmay qoldi. «Arsenal»da bo‘ladimi yoki boshqa joydami, u o‘zining avvalgi saviyasiga qaytishi kerak. Pul — juda muhim, ammo u o‘zining sportcha xarakteriga qaytishi shart», – dedi Peti.