Sky Sports нашрининг хабар беришича, «Ливерпуль» «Фулхэм» яримҳимоячиси Фабио Карвальюга бўлган қизиқишдан воз кечмаган.
Манба берган хабарга кўра, мерсисайдликлар клуби 19 ёшли англиялик футболчини ёзги трансферлар вақтида ўз сафига қўшиб олишига ишончи комил.
Эслатиб ўтамиз, «Ливерпуль» ва «Фулхэм» қишки трансфер ойнасининг сўнгги кунида яримҳимоячининг трансфери бўйича музокаралар олиб боришган, бироқ ҳужжатлар билан боғлиқ муаммо юзага келган. Мессисайдлар Карвальюни сотиб олиши ва у 2021/22 йилги мавсум охиригача Лондон клубида ижара асосида қолиши режалаштирилган эди.
Футболчи жорий мавсумда «Фулхэм» сафида 19 ўйинда 7 та гол урди ва 4 та голли узатмани амалга оширди. Яримҳимоячининг Лондон клуби билан шартномаси 2022 йилнинг 30 июнига қадар мўлжалланган. Трансфермаркт англиялик футболчининг нархини 3,5 миллион еврога баҳоламоқда.