Sky Sports nashrining xabar berishicha, «Liverpul» «Fulxem» yarimhimoyachisi Fabio Karvalyuga bo‘lgan qiziqishdan voz kechmagan. 

Manba bergan xabarga ko‘ra, mersisaydliklar klubi 19 yoshli angliyalik futbolchini yozgi transferlar vaqtida o‘z safiga qo‘shib olishiga ishonchi komil.

Eslatib o‘tamiz, «Liverpul» va «Fulxem» qishki transfer oynasining so‘nggi kunida yarimhimoyachining transferi bo‘yicha muzokaralar olib borishgan, biroq hujjatlar bilan bog‘liq muammo yuzaga kelgan. Messisaydlar Karvalyuni sotib olishi va u 2021/22 yilgi mavsum oxirigacha London klubida ijara asosida qolishi rejalashtirilgan edi.

Futbolchi joriy mavsumda «Fulxem» safida 19 o‘yinda 7 ta gol urdi va 4 ta golli uzatmani amalga oshirdi. Yarimhimoyachining London klubi bilan shartnomasi 2022 yilning 30 iyuniga qadar mo‘ljallangan. Transfermarkt angliyalik futbolchining narxini 3,5 million yevroga baholamoqda.