"Атлетико Паранаенсе" ўзининг расмий сайтида ярим ҳимоячи Марлос билан шартнома имзолаганини эълон қилди. Шартнома жорий йилнинг охиригача ҳисобланган.
2021 йил охирида 33 ёшли украиналик футболчи Украина клуби билан янги шартнома имзолашдан бош тортиб, Донецкнинг "Шахтёр" клубини тарк этди.
Эслатиб ўтамиз, Марлос 2012 йилда Харковнинг "Металист" клубига ўтган. 2014 йилда ярим ҳимоячи "Шахтёр"га ўтди ва у билан тўрт марта чемпионлик ва Украина кубогини қўлга киритди. У Украина фуқаролигини ҳам олди, шундан сўнг терма жамоага чақирув олди.
"Атлетико Паранаенсе" ўтган мавсумда Бразилия чемпионатида 38 ўйинда 47 очко тўплаган ҳолда 14-ўринни эгаллади.