Габонлик ҳужумчи Пьер-Эмерик Обамеянг "Арсенал" билан шартномасини муддатидан олдин бузгани учун катта миқдорда товон олди, деб хабар беради "The Times".
Манбага кўра, инглиз клуби футболчига саккиз миллион евро тўлаган. Бунинг эвазига "канонирлар" ҳужумчи шартнома бўйича маош сифатида олиши керак бўлган 30 миллионга яқин маблағни тежашди.
Форварднинг "Барселона"га ўтиши яқин орада расман эълон қилиниши кутилмоқда.
Маълумот учун, 32 ёшли Обамеянг "Арсенал"да 2018 йилдан буён тўп суради. У клуб учун барча мусобақаларда 163 ўйин ўтказиб, 92 гол урган ва 21 голга ассистентлик қилган.
