Москванинг ЦСКА клубидан ижара асосида «Базел»га ўтган россиялик марказий ҳужумчи Фёдор Чалов Швейцария чемпионатининг энг қиммат футболчиси сифатида эътироф этилди.
Трансфермаркт портали экспертларининг фикрича, ҳужумчининг нархи 8,5 миллион евро. Фёдор Швейцария чемпионатининг энг қиммат 10 нафар футболчиси рейтингида биринчи ўринни эгаллади.
Чалов «Базел» сафида жорий мавсум охиригача ижара асосида ўйнайди.
Жорий мавсумда Фёдор москваликлар сафида 18 та ўйин ўтказиб, 3 та гол урди ва 5 та голли узатмани амалга оширди.
