Англия терма жамоаси ва “Арсенал”нинг собиқ ярим ҳимоячиси, ҳозирда эркин агент бўлиб турган Жек Уилшер январь ойида “Лилль”га ўтиши мумкин эди, бироқ француз клуби футболчи билан шартнома тузишни истамади, дея хабар беради "L'Équipe".
Манба берган хабарга кўра, 30 ёшли футболчи ҳозирда ўзига янги жамоа изламоқда. Унинг агентлари "Лилль" билан боғланиб, Уилшерга қисқа муддатли шартнома имзолашни ёки уни синовдан ўтказишни таклиф қилишди, аммо амалдаги Франция чемпионлари рад жавобини беришди. Англиялик футболчи ўрнига "Лилль" 34 ёшли Атем Бен-Арфа билан шартнома имзолади.
Маълумот учун, Уилшер айни дамда Лондоннинг “Арсенал” жамоасида машғулотлар олиб бормоқда.
