Туриннинг «Торино» марказий ҳимоячиси Глейсон Бремер жамоа билан шартномасини 2023/24 йилги мавсум охиригача узайтирганини расман эълон қилди.
Эслатиб ўтамиз, аввалроқ бразилиялик футболчига Европанинг кўплаб топ-клублари қизиқиш билдиришаётган эди.
Football Italia хабарига кўра, ҳимоячи келаси ёзда ўз клуби унинг трансферидан кўпроқ пул ишлаб олиши мақсадида шартномасини узайтиришга қарор қилган. Бремерга асосий давогарлардан бири Лондоннинг «Челси» ва Миланнинг «Интер» клуби эди.
Жорий мавсумда Бремер Италия чемпионатида 21 та ўйин ўтказди. Ўтказилган ўйинларда бразилиялик футболчи иккита гол урди ва битта голли узатмани амалга оширди.