Каталониянинг "Барселона" клуби бош мураббийи Хосеп Гвардиола "Милан" ҳужумчиси Златан Иброҳимовичнинг гапларини жуда ҳам қўпол ҳазил дея баҳолади. Бу ҳақда Испания матбуоти маълумотларига таяниб, "Чемпионат.com" интернет нашри хабар тарқатмоқда.

"Жаноб Иброҳимовичнинг гапларига мен эмас мураббийи баҳо берсин. Энди у бу гапи билан Моуриньонинг яқин дўсти эканини кўрсатиб қўйди. Агар, жаноб Иброҳимович бизни ҳакамнинг ёрдами билан кейинги ярим финалга чиқди деяётган бўлса, бу ярим финал биз учун кетма-кет бешинчиси эканини ҳам ҳисобга олиб қўйсин. Мен унга футболчи майдон ташқарисида эмас, майдонда "гапириши" кераклигини эслатиб қўймоқчиман", дея гапириб ўтди Гвардиола.

Эслатиб ўтамиз, олдинроқ хабар берганимиздек, Иброҳимович иккинчи белгиланган пеналтини танқид қилиб чиққан ва Моуриньонинг нега бунақа кайфиятда "Камп Ноу"ни тарк этишини тушунганини таъкидлаб ўтганди.