«Интер» ярим ҳимоячиси Марсело Брозович клуб билан шартномасини узайтириш бўйича музокараларни тўхтатди, деб хабар беради Calciomercato. Футболчига «Барселона» қизиқиш билдирмоқда.
Футболчининг «нерадзуррилар» билан амалдаги шартномаси жорий мавсум охиригача амал қилади. Томонлар янги шартнома имзолаш арафасида эди, бироқ хорват каталонияликларнинг қизиқишини билиб, «қора-кўклар» билан музокараларни тўхтатди.
Жорий мавсумда 29 ёшли ярим ҳимоячи 29 та ўйинда майдонга тушиб, 1 та гол ва 2 та голли узатмага муаллифлик қилди.
