Римнинг “Рома” клуби ўз ижтимоий саҳифалари орқали январь ойидаги “энг чиройли голи” муаллифини аниқламоқда.
Эътиборли томони, ушбу голлардан бири терма жамоамиз етакчиси ва сардори Элдор Шомуродов томонидан киритилган. Италия кубоги доирасидаги “Лечче”га қарши баҳснинг 81 дақиқасида гол урган ҳамюртимиз “бўрилар”нинг йирик ҳисобда ғалаба қозонишига ёрдам берган.
Кейинги номзод эса “Рома” сардори Лоренцо Пеллегрини томонидан киритилган гол ҳисобланади. Италия терма жамоаси аъзоси А серия доирасидаги “Ювентус”га қарши ўйинда жаримадан гол урган.
Шунингдек, Тэмми Абарахам ва Николо Заньолонинг голлари ҳам даъвогарлар қаторидан жой олган.
