Rimning “Roma” klubi o‘z ijtimoiy sahifalari orqali yanvar oyidagi “eng chiroyli goli” muallifini aniqlamoqda.

E’tiborli tomoni, ushbu gollardan biri terma jamoamiz yetakchisi va sardori Eldor Shomurodov tomonidan kiritilgan. Italiya kubogi doirasidagi “Lechche”ga qarshi bahsning 81 daqiqasida gol urgan hamyurtimiz “bo‘rilar”ning yirik hisobda g‘alaba qozonishiga yordam bergan.

Keyingi nomzod esa “Roma” sardori Lorenso Pellegrini tomonidan kiritilgan gol hisoblanadi. Italiya terma jamoasi a’zosi A seriya doirasidagi “Yuventus”ga qarshi o‘yinda jarimadan gol urgan.

Shuningdek, Temmi Abaraxam va Nikolo Zanyoloning gollari ham da’vogarlar qatoridan joy olgan.