Ярим ҳимоячи Исмоил Беннасернинг "Милан" билан шартномасини узайтириш бўйича музокаралар якуний босқичида, деб хабар берди журналист Николо Скира.
Манбага кўра, келишув йилига 3,2 миллион евро маош билан 2026 йилгача тузилади. Амалдаги шартномага кўра, 23 ёшли жазоирлик футболчи йилига 1,5 миллион евро олади.
Transfermarkt.ru портали футболчининг нархини 30 миллион еврога баҳоламоқда.
2021/22-йилги мавсумда Беннасер “Милан” сафида барча турнирларда 25 та ўйинда майдонга тушиб, битта гол урди ва битта голли узатмани амалга оширди.